鳩up的藝術

四年一度既奧運已經完滿結束
體育賽事固然精彩
但值得一提既，係果兩間免費電視台既表現...


"大婆台" tbb勝在畫面質素一流，而且人又多
不過d主持呢... 質素就非常參差啦
一件廢叻已經夠哂惡頂 (一味死充認叻，唔識但又要夾硬講，搵醜黎出)
再加埋果幾個專問白痴問題既女主持
不時令人扯火轉台!
對手亞視呢? 由頭到尾似乎都只係齋打一個徐嘉樂
呢條友真係萬能俠一名
日日講1x粒鐘由朝到講到晚，幾乎咩項目都聽到佢把聲
而且樣樣都up到一大堆technical terms出黎
pro到令人佩服~!
不過由於畫面質素實在有問題 (縮到d人同景物咁細你叫我點睇呀大佬?!!)
令人收看意慾大減...


o係呢個時候，好彩仲有明珠台!
唔知係咪因為只係英文台既nicam旁述而又好似冇乜人會理既關係
該台既一對"奧運鳩up孖寶" -- 陳恩能+石金華
仲有果位一向都出名多"金句"既黃興桂 (桂神!)
日日o係度大搞爛gag
完完全全將"鳩up"呢兩隻字既神髓展現出黎~!


要知道奧運有咁多個項目
日日係咁播，觀眾總會有睇到悶既時候
如果下下都係專業而正經既評述既話
唔訓著就有鬼啦!
適當程度既爛gag同鳩up，對觀眾而言絕對係一種調劑
起碼我睇落去既意願都大左先啦~!
對講果個黎講，如果日日都正經八度咁up up up... up成十幾粒鐘
要up十幾日wo! 你都咪話唔惡頂呀~!
搵d位輕鬆下
講果個又舒服d，聽果個又聽得開心
何樂而不為呢?!
而且我都聽得出佢地成班都應該好enjoy呢種評述模式呢!


最令人佩服既係
佢地鳩up還鳩up，但仍不失專業水準
at least show 到係有做過下功課~
以專業既角度黎講，都算係合格有餘架啦!
(大佬佢地幾條友一日up成十幾粒鐘，你估真係咩sports都識架咩... 就算間中亂up一通up錯野都acceptable啦下話...)
總好過呀叻呢d鍾意"冇料扮四條"既蛋散
鍾意認屎認屁都算啦
鳩up得黎又完全冇做功課
up到完全錯Q哂 ("Kobe Bryant咁勁，點解仲要打guard既???" )
而且又要爭住講，阻住哂d專業評述
返屋企訓覺啦拾頭皮!


要鳩up得黎又唔會俾人覺得係冇料到
而且完全唔乞人憎，甚至係受人愛戴
實在係一件幾難既事
但"明珠奧運鳩up孖寶"做到了
將"鳩up"變成一種藝術，完全將鳩up既"藝術"展現o係大家既面前~!



Link
明珠奧運鳩up語錄︰http://zh.uncyclopedia.info/wiki/%E7%84%A1%E8%AA%9E%E9%8C%84


p.s. 鳩up孖寶d gag 如果o係翡翠台出現既話，分分鐘俾人投訴都似...

熱...

香港的夏天，熱得真的讓人受不了...

這幾個週末幾乎都沒去甚麼地方
天氣雖很好，但實在也熱得讓人不想上街
只是呆在家裡，也不見得有多涼快
家裡的冷氣機總不能開一整天吧! (老媽︰日開夜開唔駛俾電費呀?!)
怎麼辦? 真的受不了的話
就到住所附近的商場(黃埔??)享受免費冷氣吧!
雖然已經逛到有點生厭了...

還記得中學時期的夏天，打球幾乎成了必然的事
只要有人發起，一呼百應
要找來十個八個波友也不是甚麼難事
那時候一打就是一整個下午，好不痛快
身體也不會覺得有些甚麼不好的感覺...

幾年後的今天，如果有人問到"weekend下晝去唔去打波呀??"
所得到的回覆大概如下︰

"咪玩啦... 我仲未想死住呀..."
"痴x線!"
"你冇病下fa...??!"
"睬佢都傻啦~"

對於這個180度的轉變，其實也沒甚麼特別的原因:

......因為實在太熱了!!!!!!!!!!!!!!!!!!!!!!


香港夏天的熱，還真的不是一般的熱
因為它不僅是"熱"，而且還是"濕熱"
一般來說濕氣都很重
再加上高樓大廈所引起的"屏風效應"
市區裡就連一點自然風也欠奉
焗促程度實在非筆墨所能形容
熱、濕氣重再加上無風的焗促感，市區的街道就像個大蒸籠一樣
悶熱得實在待不下去...
而最大的問題是，空氣污染令到氣溫不斷上升
感覺上這幾年的暑假一年比一年熱
現在的夏天，不要說去打球了
就連站在街上十分鐘，也快讓人受不了啦...

在幾年前的夏天，小弟曾經到了中東的杜拜一遊
那裡的室外氣溫比香港的夏天還要熱上攝氏好幾度
攝氏4x度在那邊簡直就是家常便飯
可是卻沒有在香港時的那種快要熱死的感覺
因為那裡一年四季(那裡有四季的嗎???)都很乾燥
而且經常也會有一陣自然風撲面吹來
雖然也是"熱風"，但空氣的流動程度比香港高多了~
相比之下，香港的街道簡直就像個人間煉獄...

之所以會搞成這種令人受不了的環境，某程度上是香港人自找的
空氣污染這個問題已經談了很久，問題卻一年比一年嚴重
這也難怪啦... 香港人要賺大錢嘛
哪有甚麼餘力去理這些沒油水可撈的事啊!
再這樣下去，十年後的今日
熱死人相信也不會再是甚麼見報新聞了
大家準備過著一輩子的室內生活吧~!

Let's get it started!

已記不起是甚麼時候弄了這麼一個blog出來
只記得那天確實是心血來潮，就register了
但卻一直都沒有那種興致去寫點東西...

已經大半年沒寫些甚麼東西了!
祖母的病及她的離去、每天刻板沉悶而且壓力大的辦公室生活
再加上對前路的迷茫感
實在令人有點累...
每天其實也有很多不同的想法
有時候很想把它記下來
當是一種回憶、一種對自己的人生的反思記錄
但是每天工作過後，人已經有夠累了 (好了，我必須承認我真的很懶... :P)
也就沒有甚麼心情和精神去記下些甚麼...

由opendiary到xanga再到這裡的blogger，不經不覺已經5年多了
每一次轉換發表平台，都是一個新的開始
代表著不同時期的4仔
這次在這裡重新出發
是希望在自己平淡而有點沉悶的生活裡，能夠有一點心靈上的記託
也希望能夠在24-30歲這個還算有點"青春氣息"的age range裡留下一點回憶
待日後年歲漸長以後，也有些甚麼可以讓自己"想當年"一番...
這裡寫的談的，也許會跟以往不同了
也許再也看不到以往那些"流水帳"式的"日記" (每天也是起身->上班->下班[唔知幾點]->食飯->睡覺，有甚麼好記的?!)
但是風格依舊，有野就講有屁就放
哪怕是髒話或是甚麼粗鄙用語的，總之諗到乜就寫乜
白天上班已經抑壓了太多的情感，來到這裡就別再裝甚麼斯文人、上等人士啦~!
你可能會覺得"有冇搞錯?!"
不過還是一句話，唔鍾意睇就唔該請過主，多謝!

事實上，對於自己這個地盤
我也不知道自己會不會有以往那種恆心及熱誠去繼續下去 (我真的很懶的...)
可以預期的是，這裡的更新絕對會是不定期的那種
分分鐘一個多月才會有新文章也不定...
所以嘛... 大家對這裡還是不要有太大的期望好了~
but anyway，let's get it started now~!

(P.S. 其實我也不知道這裡算不算是一個"blog"
你知啦，某些人對"blog"的定義可是非常的嚴格...
只是對我來說，這些definition 根本就是"雙層魚柳包"... "多舊魚"呀!
你理得我寫乜春o即?!!)